Bhule Dillagi!

Dil chahta hai hum saath rahe, 

Dimaag Kare, hume durr! 

Zarurat hai hume ek duje ki, 

Na jaane kiska hai kasoor? 

Dil chahta hai Milne ko, 

Dimaag mein kahi h sawaal! 

Darta hai usse puchne ko, 

Kare kalpanaon ka Malaal! 

Dil chahta hai baatein kare, 

Dimaag yaad dilaaye toote waade! 

Lafzon ka koi dosh Nahi, 

Lagi chotein aur khwaab toote! 

Dil chahta h ek tasveer, 

Dimaag ko h apna guroor, 

Kaha chupa rakha hai yaadon ko ?

Tasveeron mein hi hai suroor!

Dil chahta hai Ek din, 

Dimaag ko bhi samajh aayega, 

Agar saath likha gaya hai, 

Toh Qaayanat hume milayega!